Simon
因為有新網頁的建立，我們每個執委都交一編文章上來分享，所以，我都分享吓在b27的日子。
話說回來，我加入執委會大約八至九年了， 當中同好多病友合作過，有開心有唔開心，有高有低。有啲重係個會又有啲已經離開左個會，可能人生就是如此，一轉眼又到2011年。係呢幾年入面我斷斷續續參加B27不同活動(又講坐、旅行、生日會…)，間中亦有負責活動啲細節。其實一開始入執位委會我都係諗住得閒可以幫吓個會，跟住識多啲人又可以去玩…可能同返教會個啲差唔多(但我其實唔係幾喜歡返教會的)，點知做做吓又幾年，當中都有得著，吸收左好多知識例如風濕病、香港既醫療、同人溝通既技巧， 真係多不聲數。同埋做執位時可以學到點樣合作，點樣分工又或者一班人去解決問題，但最最最重要都係個句─“你要有嗰個心，同埋要肯付出囉！”呢樣嘢我都重係摸索緊，希望有朝一日我可以真真正正咁做到。同時我都想多謝歷屆數之不盡既執委或者病友，多謝你地既提點同包容，希望大家都身體健康！